ملقتلهاش عنوان

وصلني هذا التاج ثالث يوم العيد من أستاذ بسام صاحب مدونه “ أنا الريس ” أو MR.PRESIDENT

ميرسي يا فندم وبرغم إنك دبستني فيه بالعافيه لما جبته في تعليق … لكن التاج ده كويس وموش محرج أو شخصي ..

لكن قبل ما أجاوب على هذا التحقيق الرسمي فوري عزمي …أحب أقول لكل الساده المتابعين إني عندي خبرين واحد حلو والتاني وحش ..

نبدأ بالخبر الحلو : أن الحر كان عامل عمايله معايا فدماغي ساحت ومعرفتش اكتب غير نص قصتين فعشان كده ريحتكم من قصصي ..

الخبر الوحش بقا : إني قررت أرجع أكتب تانييييي ” وش شورير جدا على فكره ” …. وإن شاء الله أكمل القصتين قريب وأتابع طقوسي الساديه عليكم ..

ونبدأ التاج ……

1 – ما هي كتب الطفولة التي بقيت عالقة في ذاكرتك؟

- كتب المكتبه الخضرا ..

2 – مَنْ أهم الكتاب الذين قرأتَ لهم ؟

- نجيب محفوظ …. المنفلوطي … يحي حقي … الحكيم … أنيس منصور … إحسان عبد القدوس…. خالد محمد خالد ….الإمام الغزالي … لا كتير الصراحه ..

3 – من هم الكتاب الذين قررت ألا تقرأ لهم مجددا؟

- نيتشه .… علشان بيستهبل ساعات ..

4- في صحراء قاحلة ، أي الكتب تحمل معك؟

- طبعا القرآن … دي الإجابه النموذجيه …. بس بجد هو لأن ده الكتاب الوحيد اللي هيخليني ماتجننش لوحدي في الصحرا ” ألا بذكر الله تطمئن القلوب “

ده غير إن فيه قصص وعبر وأحكام ويخليك تتدبر وتتأمل … ومفيش كتاب تاني بالعالم ممكن يعمل كده ..

5 – ما هو الكاتب الذي لم تقرأ له أبدا ، وتتمنى قراءة كتبه ؟

- العقاد … بس يا رب أفهمه ههههههه ..

6- ما هي قائمة كتبك المفضلة ؟

لا كتييييييييييييير ..

7 – ما هي الكتب التي تقرؤها الآن ؟

فاتحه كتاب “منهاج العابدين ”  للإمام الغزالي بشطب فيه..

روايه ” السائرون نياما ” لسعد مكاوي ..

7 – اللي بعت الدعوه ؟

الريس الاستاذ بسام ..

8 – أرسل الدعوة لمدون واحد علي الأقل من أجل مشاركتنا باطلاعهم في القراءة ؟

- أمل صاحبه مدونه “ البنفسج الحزين ” ..